काठमाडौँ, नेपाल – २०२५ अक्टोबर १०
भगवती थापाले आफ्ना दिवंगत पिता छेत्र बहादुर थापाको सम्झनामा एक स्मृति–वृक्ष (Memorial Tree) ग्रहण (Adopt) गर्नुभएको छ। यो वृक्ष रोपण (Plant a Tree) कार्यक्रम उहाँकी आमा राधिका थापाले विशेष समारोहका बीच सम्पन्न गर्नुभएको हो।
सुनगाबा होम्स महिलाहरू र किशोरीहरूका लागि समर्पित एक आवासीय संस्था हो, जसले बौद्धिक अपाङ्गता भएका महिलाहरूको हेरचाह, पुनर्स्थापना र सशक्तिकरणका लागि काम गर्छ।
कार्यक्रमका अवसरमा, सुनगाबा होम्सकी अध्यक्ष श्रीमती सुवर्णा केशरी चित्रकारले थापा परिवारलाई स्मृति–चिन्ह (memorablia) प्रदान गर्नुभयो। साथै, भगवती थापाले MDS Visa Immigration Services तथा NBDA – London का रक्त, प्लाज्मा र अंगदाता सदस्यहरूको तर्फबाट रु. ५०,००० रकमको आर्थिक सहयोग पनि हस्तान्तरण गर्नुभयो।
सङ्गठनले आफ्ना साझेदारहरू —
NRNA Canada, Sewa Canada, Nepal Australia Friendship Association (NAFA), Foundation Frei-Aid (Switzerland), Canadian Newa Guthi, Nepali Heritage Charity Foundation, SAPNA (USA), MDS Visa Immigration Services, Everest Realty Brokerage, Namaste Radio, Nepal Touch, र Nepal Kanti TV — प्रति निरन्तर सहयोग र सद्भावका लागि आभार व्यक्त गरेको छ।
यी सबै सहयोगहरूले सुनगाबा होम्सको भवन निर्माण तथा EV भ्यान परियोजनालाई सुदृढ बनाउँदै दीर्घकालीन प्रभाव पारेका छन्। हाल संस्था नयाँ भवनको फर्निसिङ (Furnishing) कार्यलाई अगाडि बढाइरहेको छ।
यस परियोजनाको नेतृत्व ज्योति वैद्यले गरिरहनुभएको छ। यदि तपाईं पनि आफ्ना प्रियजनहरूको सम्झनामा एउटा वृक्ष ग्रहण (Adopt a Tree) गर्न चाहनुहुन्छ भने कृपया अरिता राईगुरुङ, सुरेशचन्द्र श्रेष्ठ, वा माथि उल्लिखित साझेदार संस्थाहरूमध्ये कसैसँग सम्पर्क गर्नुहोस्।
सुनगाबा होम्स परिवार तर्फबाट भगवती थापा र सम्पूर्ण सहयोगीहरूलाई हार्दिक धन्यवाद व्यक्त गरिएको छ ।
